اولی گام۔
بلاگر ءِ پوسٹ ایڈیٹنگ تاک ءَ برو۔ رائٹنگ ٹولزانی تہ ءَ بہ چار یک ھکس گونگیں کسانیں آئیکانے ھست ھمیشی ءِ سر ءَ کرسر ءِ دارگ ءَ '' انسرٹ امیج '' نوشتہ گندگ کیت۔ھمے بٹن ءَ کلک کن ۔
دومی گام۔
کلک کنگ ءَ پد یک پاپ اَپ ونڈوے پچ بیت ۔اگاں ترا چَہ وتی کمپیوٹر ءَ ھکس اَپ لوڈ کنگی اِنت گڑا اَپ لوڈ ءَ گچین کن ءُ '' چوز فائل'' ءَ کلک کن ءُ کمیوٹر ءِ ھما ڈرائیو ءُ فولڈر ءَ کہ تئی ھکس اِیر اِنت چَہ ھمود ءَ گچین بہ کن گچین کنگ ءَ گوں وتکاریں رنگے ءَ اَپ لوڈنگ پروسز بنا بیت ءُ ھکس ءِ کساس ءُ انٹرنیٹ اسپیڈ ءِ ھساب ءَ لوڈ بیت ۔
اگاں تو چَہ وتی بلاگ ءِ کوھنیں ھکسے یک رندے پد ءَ کارمرد کنگ لوٹ ئے المی نہ اِنت کہ تو آئی ءَ پد ءَ اَپ لوڈ بہ کن ئے بلکیں چَہ '' فرام دز بلاگ'' ءِ کلک کنگ ءَ تئی پیسرگیں اَپ لوڈ کرتگیں ھکس گند گ بنت ءُ چَہ ھماھاں گچین کرت کن ئے۔ اگاں تو چَہ وتی پیکاسہ البم ءَ ھکسے زورگ لوٹ ئے گڑا '' فرام پیکاسا وب البم'' ءَ کلک کن ھما ھکس کہ تو چَہ وتی جی میل ءِ ھمے اکاونٹ ءَ کہ تو بلاگر ءَ کار کنگ ءَ ئے اَپ لوڈ کرتگ اَنت گندگ بنت ۔ اگاں تو چَہ دگہ وب سائٹے ءَ ھکسے دیگ لوٹ ئے گڑا فرام یو آر اِیل ءَ کلک کن یک پاپ اَپ ونڈوے درا بیت ۔
ھمد ءَ کہ ''یو آر اِیل ھیئر '' نوشتہ اِنت ھکس ءِ تند جاھی ڈس بزاں یو آر اِیل ایڈریس ءَ کاپی پیسٹ کن ۔ ھکس ءِ یو آر اِیل ایڈریس ءِ زورگ ءِ وڑ ءُ پیم اِیش اَنت کہ تراچَہ دگہ وب سائٹے ءَ ھما ھکس کہ زورگی اِنت آئی ءِ سر ءَ کرسر ءَ بر ''رائٹ کلک '' کن یک لڑے گندگ بیت ھیشی ءِ تہ ءَ ویو امیج ھم نوشتہ اِنت ۔ ویو امیج ءِ کلک کنگ ءَ ھکس یک جتائیں ونڈوزے ءَ پچ بیت ھمے ونڈوز ءِ تندجاھی ڈس ءَ سر جمے ءَ کاپی کن ءُ پیسٹ کن ۔ دگہ راھے اے ھم ھست کہ ھکس ءِ سر ءَ رائٹ کلک ءَ پد کاپی امیج لوکیشن ءَ کلک کن ءُ کاپی کنگ ءَ ھمود ءَ کہ ترا کارمرد کنگی اِنت پیسٹ کن ۔
چَہ دگہ وب سائٹاں ھکس زورگ ءِ یک آسان تریں راھے اِے ھم ھست کہ ھکس ءِ جند ءَ کاپی کن ءُ وتی پوسٹ ایڈیٹنگ پیڈ ءِ سر ءَ پیسٹ کن ۔
پہ ھکس ءِ ترتیب دیگ ءَ ھکس ءِ سر ءَ کلک کنگ ءَ آئی ءِ چیر ءَ آپشن گندگ بنت ۔
چَہ اے آپشنزاں ھکس کسان مزن کنگ ،چپ راست ءُ میان ءَ کنگ ءَ ،،دُور کنگ ءُ آئی ءِ چیر ءَ کیپشن دیگ ھم بیت ۔ کیپشن ءَ دیگ مراد ھکس ءِ چیر ءَ آئی ءِ درگت ءَ نویسگ اِنت۔
اولی گام ۔
بلاگر ءِ کوھنیں ترامگجاہ ءَ ھکس ءِ اَپ لوڈ کنگ ءِ آپشنز گستائی کن اَنت ۔ پوسٹ ایڈیٹنگ تاک ءَ بہ چار یک ھکس گونگیں کسانیں آئیکانے ھست ھمیشی ءِ سر ءَ کرسر ءِ دارگ ءَ '' ایڈ امیج '' نوشتہ گندگ کیت۔ھمے بٹن ءَ کلک کن ۔
دومی گام ۔
یک پاپ اَپ ونڈوے پچ بیت ۔
پاپ اَپ ونڈوءِ آپشنزانی تہ ءَ چَہ کمپیوٹر ءَ ھکس اَپلوڈ کنگ چَہ دگہ وب سائٹے ءِ ھکس ءِ یوآر اِیل زورگ ءَ ابید لے آوٹ ءُ امیج سائز داتگ اَنت ۔ بلاگر ءِ کوھنیں رائٹنگ پیڈ ءِ تہ ءَ ھکس ءِ چپ راست ءُ میان ءَ کنگ ءِ آسراتی نیست البت کسان مزن کنگ بیت ۔ پمیشکا چَہ لوڈ کنگ ءَ پیش باید چَہ ھمد ءَ گچین بہ کن کہ ھکس ءَ تو وتی نوشتانک ءِ کجام نیمگ ءَ دیگ لوٹ ئے ءُ اگاں تو اولی رند ءَ وتی بلاگر ءِ تہ ءَ ھکس ھوار گیجگ ءَ ئے گڑا ترا بلاگر پالیسی ھم منگ لوٹ اَنت پہ ایشی ءَ ھم یک آپشنے بیت کہ آئی ءِ سر ءَ چیک کنگ ءَ ابید اَپلوڈ امیج ءِ بٹن کار نہ کنت ۔ اَپلوڈ امیج ءِ بٹن ءِ جنگ ءَ گوں پروسز بنا بیت ءُ ھکس لوڈ بیت ۔اد ءَ چَہ یک ءَ گیش ھم ھکس یکیں وھد ءَ اَپلوڈ کنگ بیت ۔
پری ویو۔
اے ھبر دلگوشکرز اِنت کہ ھمے رنگ ءَ کہ ھکس رائٹنگ پیڈ ءِ تہ ءَ گندگ بنت باز بر ءَ پبلش کنگ ءَ چوش نہ بنت پمیشکا چَہ پبلش کنگ ءَ پیش پوسٹ پری ویو ءَ بہ چار اے درگت ءَ پوسٹ ایڈیٹنگ تاک ءَ پری ویو ءِ بٹن ھست ۔
پری ویوبٹن ءِ کلک کنگ ءَ پوسٹ پری ویو بیت ءُ زانگ بیت کہ ھکس پبلش بوگ ءَ پد چون بیت ۔
بلاگر ءِ گیشتر ھیلکاری ءِ وانگ ءَ کلک کن
