انیگیں دور ءَ چَہ لیپ ٹاپ ءُ کمپویٹر ءَ گیش مردم موبایل کارمرد کنگ ءَ اَنت باز جاہ ءَ موبایل نیٹ چَہ آ دگہ نیٹ سروساں تیز تر ءُ گیشتر جاھاں کار کنت پمیشکا سوشل ایپس ھم مزنیں کساسے ءَ پہ موبایل گچینی پہ انڈورڈ موبایلاں جوڑ کنگ بوگ ءَ اِنت۔
بلاگر ھم چَہ انڈروڈ موبایل ءَ اَپ ڈیٹ کنگ بیت پہ بلوچی بلاگر ءِ اَپ ڈیٹ کنگ ءَ جھل ءِ سوفٹ ویئر پکار بنت ۔
- ملٹی لینگوئج کی بورڈ پہ بلوچی نوشتہ کنگ ءَ
- بلاگا وے ایپ پہ بلاگ شنگ کنگ ءَ
ملٹی لینگوئج کی بورڈ :
- چَہ موبی جن یا دگہ ایپ ڈاونلوڈ ءِ آسراتی دیوکیں ایپ مارکیٹے ءَ '' ملٹی لنگ کی بورڈ '' ءَ ڈاونلوڈ کن ''
ڈاونلوڈ کنگ ءَ پد چَہ موبایل ءِ سیٹنگاں '' لینگوئج اینڈ اِنپُٹ آپشن " ءَ لمس کن ۔
چَہ داتگیں آپشناں '' ملٹی لنگ کی بورڈ '' ءِ دیم ءَ داتگیں گراری ءَ لمس کن ۔
چَہ '' کی بورڈ سیٹنگ '' ءِ آپشناں ''لینگوئجز '' ءَ لمس کن ۔
چَہ داتگیں زبانانی لڑ ءَ بلوچی ءَ گچین ۔ چَہ اے کی بورڈ ءَ بلوچی ھمزہ زیر ، زبر ، پیش ءُ شد جوانیں وڑے ءَ جنگ بنت ءُ بلوچی راستیں سیاھگ ءَ نویسگ بیت ۔
بلاگاوے :
بلاگا وے ایپلیکشن ءَ چَہ '' موبی جن '' یا دگہ ایپ مارکیٹے ءَ ڈاونلوڈ کن ۔
انسٹال کنگ ءَ پد اُوپن کن ۔ چَہ سیٹنگ ءِ بٹن ءَ ، سیٹنگاں برو ءُ اکاونٹ ءِ بٹن ءَ لمس کن ۔
سئے آپشن داتگ ، چَہ گوگل ءِ اکاونٹ ءَ بزاں چَہ ھما جی میل اکاونٹ ءَ کہ تو وتی موبایل ءَ ایڈ کُرتگ روگ لوٹ ئے اگاں ناں گڑا چَہ مینوئل سیٹ اَپ وتی جی میل اکاونٹ ءُ پاسورڈ ءَ دیگ ءَ پد کمے ودار کن داں اکاونٹ ایڈ بہ بیت ۔
دلگوش : اگاں گوگل اکاونٹ ءَ ایڈ کنگ لوٹ ئے گڑا چَہ اکاونٹ ءِ آپشن ءَ '' ایڈ اکاونٹ '' لمس کن ءُ ای میل ءُ پاسورڈ ءَ انٹر بہ کن ۔ چَہ ھمے آپشن ءَ اکاونٹ ڈیلیٹ ھم کنگ بیت ۔ اگاں گوگل اکاونٹ چَہ ھمد ءَ ایڈ کنگ بہ بیت '' گوگل پلے ، جی میل ءُ ھینگ آوٹ ءُ دگہ '' ایپلیکیشن وتکاریں پیمے چَہ ھمے ای میل ءَ کار کن اَنت ۔
بلاگا وے ءِ تہ ءَ اکاونٹ ءِ ایڈ کنگ ءَ پد '' مائی بلاگز'' ءِ آپشن ءَ لمس کن ۔
چَہ اد ءَ پوسٹ ءِ ٹَائیٹل ، پوسٹ ءِ جند ءُ جھل ءَ لیبل نویسگ ءَ پد تیر ءِ نشان ءَ لمس کن پوسٹ شنگ بیت ۔
اگاں پوسٹ ءِ تہ ءَ ھکس ھوار کنگ لوٹ ئے گڑا ھمد ءَ کہ ''پوسٹ کنٹینٹ '' نوشتہ اِنت ھمیشی ءِ تہ ءَ ٹائپنگ کنگ ءَ جھل ءَ ھکس اَپلوڈ کنگ ءِ آپشن گندگ بنت ۔
ھکس ءِ چَہ وتی موبایل'' گلیری '' ءَ گچین کنگ ءَ پد ھمے ھکس ءِ سر ءَ لمس کن ۔ ھکس ءِ ترتیب دیگ ءِ آپشن گندگ بنت ۔
دلگوش : ھکس ءَ اَپلوڈ کنگ ءَ پد ھکس ءَ چَہ پوسٹ ءَ برز یا جھل ءَ ایر کن بزاں چَہ پوسٹ ءِ ٹیکسٹاں پیش ھکس ءَ اَپلوڈ کن ءُ چَہ داتگیں آپشناں '' سینٹر '' ءَ لمس کن داں ھکس میانجی ءَ گندگ بہ بیت ۔
دلگوش : اگاں تو پہ بام ھال ءَ '' ھال '' شنگ کن ئے گڑا لیبلانی گچین کنگ ءَ کمے دلگوش دیگ لوٹ اِیت ۔ بام ھال ءِ وبتاک ءِ تہ ءَ کلیں ھال جتائیں لیبلانی تہ ءَ بھر کنگ بوتگ اَنت چوش کہ
سرمچار
راجدوست
رودرکتی بلوچستان
ازم،ادب ءُ شاتکامی
روکپتی بلوچستان
دنیا
سندھو دیش
کوردستان
اگاں تو چَہ وت نوکیں لیبلے بہ دئے یا انچوش ھالیک یلو بہ کن ئے ھال وبتاک ءَ ھمے بکسانی تہ ءَ گوں دگہ ھالاں ھوار گندگ نہ بنت ۔
پہ گیشتریں وانگ ءَ جھل ءِ لنک ءَ بہ چار اِت ۔
