بلاگ ءِ تہ ءَنوشتہ کرتگیں نکان ءِ شنگ کنگ ءَ '' پوسٹ '' گوش اَنت ۔
اولی گام ۔
بلاگر ڈاٹ کام ءِ سائن اِن تاک بزاں گستاک ءَ برو۔ زردیں بٹن ءَ کہ سر ءَ ئِے پنسل ءِ نشانے جتگ کلک کن ۔
دومی گام ۔
چَہ کلک ءَ پوسٹ ایڈیٹنگ تاک پچ بیت کہ آئی ءِ تہ ءَ ورڈ ءُ دگہ نویسگی سوفٹ ویئرانی رنگ ءَ نویسگ ءِ جاہ ۔ نوشتگیناں کسان مزن کنگ۔ نمبر لسٹ دیگ ۔ نوشتگیناں رنگدار کنگ لنک دیگ ءُ دگہ بٹن داتگ اَنت ۔ میان ءِ اسپیتیں جاہ ءَ وتی پوسٹ ءَ بہ نویس یا کاپی پیسٹ کن ۔
بلے اگاں تو چَہ وتی انٹرنیٹ ءِ سستی ءِ سبب ءَ یا پہ وتی آسانی ءَ بلاگر ءِ کوھنیں ترامگجاہ بزاں اولڈ انٹرپیس ءَ کار کنگ ءَ ئے گڑا پوسٹ کنگ ءِ وڑ ءُ پیم دگہ بنت ۔
سیمی گام ۔
برز ءَ '' بپلش '' ءِ زردیں بٹن ءِ چپی کش ءَ کہ جاھے ءَ '' پوسٹ ٹائیٹل '' نوشتگ پوسٹ ءِ نام ءَ ھمد ءَ بہ نویس ۔
چارمی گام ۔
راستی نیمگ ءَ پوسٹ سینٹگ ءِ چیر ءَ لیبل نویس اِتگ ۔ لیبل ءِ سر ءَ کلک کنگ ءَ جھل ءَ یک اسپیتیں بکسے درا بیت ھمیشی ءِ تہ ءَ وتی پوسٹ ءِ بنگپ ءَ بہ نویس یا چَہ جھل ءِ بنگپاں یکے گچین کن ءُ ڈن ءِ بٹن ءَ کلک کن ۔ بنگپ ءَ مراد ھما سرھال کہ آئی ءِ درگت ءَ نوشتانک نویسگ بوتگ ۔بنگپ وانوکاں پہ نوشتانکانی شوھاز ءَ کمک کن اَنت ۔
پنچمی گام ۔
پوسٹ ٹائِٹل ءِ راستی نیمگ ءَ ءَ پبلش ءِ زردیں پٹن ءَ کلک کن کمے پروسیز بوگ ءَ پد پوسٹ آن لائن شنگ بیت ۔ شنگ بوگ ءَ پد بلاگ ءِ تہ ءَ گندگ بیت ۔
دلگوش : پوسٹ ءَ شنگ کنگ ءَ پیسر جوانے ءَ پھک نویس بہ کن بزاں پروف ریڈنگ۔
بلے اگاں تو چَہ وتی انٹرنیٹ ءِ سستی ءِ سبب ءَ یا پہ وتی آسانی ءَ بلاگر ءِ کوھنیں ترامگجاہ بزاں اولڈ انٹرپیس ءَ کار کنگ ءَ ئے گڑا پوسٹ کنگ ءِ وڑ ءُ پیم دگہ بنت ۔
