بلاگ جوڑ کنگ ای میل اکاونٹ جوڑ کنگ ءِ پیم سک آسان اِنت ۔ بلاگر ڈاٹ کام یک نام کشتگیں بلاگنگ آسراتی دیوکیں ادارھے ۔بلاگر ءِ کالب یا بلاگ ڈبانی تہ ءَ عربی سیاھگ ھم جوان گندگ بنت پمیشکا اے پہ بلوچی بلاگ جوڑ کنگ ءَ ھم یک گھتریں جاھے ۔ایوک سئے گام بزاں سئے اسٹیپ ءَ بلاگ جوڑ کنگ بیت بلے چَہ درساں پیش المی اِنت کہ بلاگر جی میل ءَ یک ای میل اکاونٹے جوڑ بہ کنت ۔
اولی گام ۔
چَہ درساں پیسر بلاگر ڈاٹ کام ءِ وب سائٹ ءَ برو ۔وتی جی میل ءَ جوڑ کرتگیں ای میل ءُ پاسورڈ ءَ داتگیں جاھاں بہ نویس ءُ گیٹ اسٹارٹ ءِ زَردیں بٹن ءَ بہ جن ۔
دومی گام ۔
یک نوکیں تاکے '' نیم یور بلاگ '' ءِ نام ءَ درا بیت ۔اد ءَ تو وتی بلاگ ءِ نام بزاں '' ٹائیٹل ''ءُ بلاگ ءِ ایڈریس ءَ بہ نویس ۔ بلاگ ءِ ٹائیٹل بزاں نام - شنگ بوتگیں بلاگ ءِ تہ ءَ ، پروفائل ءِ تہ ءَ ءُ ڈیش بورڈ ءَ بزاں ھما جاہ ءَ کہ آ اُود ءَ سائن بوگ ءَ پد بلاگر ءِ پوسٹ ءُ دگہ ترتیب ءُ ترامگ ءِ ٹولزھست اَنت ، گندگ بیت تو بلاگ ءِ نام ءَ ماں عربی آبانی تہ ءَ ھم نویس اِت کن ئے چوش کہ بام ھال ءِ بلاگانی نام اَنت ۔ بلاگ ایڈریس یا تندجاھی ڈس چاروکاں پہ تئی بلاگ ءَ سر بوگ ءَ کمک کنت ۔ بلاگ ایڈریس داتگیں جاہ ءَ چَہ سئے ءَ گیشتر انگریزی آبانی تہ ءَ بہ بیت ھمے جاہ ءَ جھل ''چیک اولیبلٹی ''نویسگ اِتگ کہ بلاگر ءَ پول اِیت ءُ اگاں اے ڈس کس ءَ نہ زرتگ گڑا تو ئِے کارمرد کرت کن ئے اگاں پیش ءَ کسے ءَ زرتگ گڑا باید تو وتی ڈس ءَ بدل بہ کن ۔ ورڈ ویریفکیشن ۔ھما آب کہ ھکس ءِ تہ ءَ گندگ بنت ھماھاں داتگیں جاھ ءَ بہ نویس ۔وتی نویس اِتگیناں شری ءَ بہ چار گچینی بلاگ ءِ ڈس ءَ۔ اگاں تو ایمن ئے گڑا پہ دیمتر ءِ گام ءَ روگ ءَ تیر ءِ زَردیں نشان ءِ سر ءَ کلک بہ کن ۔
سیمی گام ۔
اے گام ءَ پہ وتی بلاگ ءَ یک ڈب یا دروشمے گچین کن۔ ٹیمپلٹ۔ بلاگ ءِ ڈب ءَ گوشگ اَنت کہ آئی ءِ تہ ءَ جتائیں ترتیب، رنگ ءُ وڑ ءُ پیم ءَ تو وتی بلاگ ءُ شنگ کرتگیں پوسٹ بزاں نوشتانکاں دیست کن ئے ۔بلاگ ڈب ءِ گچین کنگ ءَ پد تیرءِ زردیں نشان ءَ کلک کن چَہ ایشی ءَ تئی بلاگ جوڑ بیت ءُ ڈیش بورڈ گندگ کیت کہ آئی ءِ تہ ءَ پوسٹ کنگ،ترامگ ءُ ترتیب کنگ ءِ بٹن ھست اَنت۔
