اگاں تو ونڈوز ایکس پی ءِ تہ ءَ بلوچی نویسگ لوٹ ئے گڑا اُرود پونیٹک کی بورڈ ءِ انسٹال کنگ ءَ پد جھل ءِ سوجانی سر ءَ کار کن ۔ پہ ونڈوز وسٹا ءُ سیون ءَ اے المی نہ اَنت ۔اے کی بورڈ پہ '' سی ءُ دو بٹ '' سسٹماں جوڑ کنگ بوتگ '' شست ءُ چار بٹ '' بزاں کہ لیپ ٹاپ ایشی ءَ سپورٹ نہ کن اَنت ۔
اولی گام ۔
ونڈوز ایکس پی ءِ انسٹالیشن سی ڈی یا ڈی وی ڈی ءَ ڈرائیو ءَ مان کنگ ءَ پد اسٹارٹ بٹن ءِ سر ءَ کلک کن ءُ کنٹرول پینل ءَ برو۔
دومی گام ۔
ریجنل اینڈ لینگوئج آپشنز ءَ گچین کن۔
سیمی گام ۔
لینگوئج ٹیب ءَ کلک کنگ ءَ پد اولی چیک بکسانسٹال فائلز فار کمپلکس اسکرپٹ رائٹ ٹو لیفٹ ءَ کلک کن ۔
یک دگہ ونڈوے درا بیت ۔
اوکے ءِ بٹن ءَ کلک کن ۔
چارمی گام ۔
نوں ترا جست کنت کہ ونڈوز ایکس پی ءِ سی ڈی ،سِی ڈی روم ءَ ھست ، اگاں '' ھو '' گڑا اوکے ءِ بٹن ءَ کلک کن اگاں سی ڈی دپ ءَ نہ داتگ گڑا سی ڈی ءَ دپ ءَ ئِے بہ دئے ءُ اوکے ءِ بٹن ءَ کلک کن۔
پنچمی گام ۔
پروسز بوگ ءَ پد ترا جست کنت کہ تو وتی ونڈوز ءَ ری اسٹارٹ کنگ لوٹ ئے ؟ ۔'' نو'' ءِ بٹن ءَ کلک کن۔
نوں پد ءَ چَہ '' ریجنل اینڈ لینگوئج آپشنز '' ءَ '' ڈیٹیل '' ءِ بٹن ءَ کلک کن ۔
ششمی گام ۔
سیٹنگ ءِ تہ ءَ ایڈ ءِ بٹن ءَ بہ جن '' لینگوئج '' اُردو ءُ لے آوٹ اُردو پونیٹک ءَ گچین کن ۔یات بہ بیت کہ اُردو پونیٹک کی بورڈ توپیسر ءَ انسٹال کرتگ۔
دلگوش : اگاں پونیٹک کی بورڈ ءَ گچین مہ کن ئے ھم اُردو نوشتہ کنگ بیت بلے ڈیفالٹ کی بورڈ ءَ ۔ پہ عربی سیاھگ ءَ نوشتہ بیوکیں زبان ءَ جوڑ بوتگیں کی بورڈانی سر ءَ ابید چَہ انگریزی ءَ عربی آب ھم داتگ اَنت ءُ بازار ءَ انچیں اسٹیکز ھم دست کپ اِیت کہ کی بورڈانی سر ءَ بادینگ بنت ۔ پونیٹک کی بورڈ ءِ سر ءَ کار کنگ ءِ رواج چَہ اُردو ان پیج ءَ دیم ءَ اَتکگ
ءُ ھما مردماں کہ اُردو ان پیج ءَ کار کرتگ پہ آھاں پونیٹک کی بورڈ ءَ
کارکنگ وش ءُ آسان تر اِنت ۔
