بلاگ یک آن لائن ڈائری یے پیم ءَ کار کنت انچوش کہ ما وتی ڈائری ءِ تاکانی سر ءَ پہ وتی دلکش ھیال ، شعر ، نوشتانک ءُ ھمک سرھال ءَ نوشتہ کرت کن اِیں ھمے پیم بلاگ ءِ تہ ءَ ھم بلے انان ءَ بوگ لوٹ اِیت پرچا کہ مئے جند ءِ رودپتر ءَ ھمک پہ دیم ونت نہ کنت بلے ھرکسے کہ انٹرنیٹ ءَ براوزنگ کرت کنت پہ آئی ءَ شنگ بوتگیں بلاگاں سر بوگ ءُ آھاں وانگ باز مشکل نہ اِنت ۔
ماں انگریزی ءُ دنیا ءِ توامیں مزنیں زباناں بلاگنگ سوج دیگ ءِ آن لائن وب سائٹ ءُ بلاگ دست کپ اِیت ءُ پہ ھما مردماں کہ انگریزی زبان ءَ بلاگ شنگ کنگ لوٹ اَنت بلاگنگ ءِ آسراتی سک باز اَنت بلے '' بلوچی '' گونگیں زباناں کہ دنیگت انٹرنیٹ ءُ کمپیوٹر ءَ جوانے ءَ راہ نہ کپتگ اَنت ، پہ کوڈنگ ءُ وب ڈیزائنگ ءَ نہ سرپدیں مردماں بلاگنگ گرانیں کارے ۔ بلاگنگ ءِ گیشتر آسراتی ، چوش کہ آھانی دروشم ءُ پلگ اِنز انگریزی زبان ءِ ھساب ءَ ڈیزائن کنگ بنت ۔ عربی ، فارسی ءُ اُردو زبان ءَ جوڑ بوتگیں یونیکوڈ مارا ماں بلوچی نویسگ ءَ ھم کمک کن اَنت ءُ ما انگریزی زبان ءِ پیم ءَ کمیپوٹر ءَ بلوچی ھم رواج گیپتگیں سیاھگ ءَ نوشتہ کرت کن اِیں بلے بلوچی ٹیکسٹ انگریزی بلاگانی لے آوٹ ءُ کالبانی تہ ءَ شنگ کنگ ءَ باز رند ءَ ناواناک ءُ بے ڈول بنت ءُ آھانی کوڈنگ ءِ تہ ءَ بدلی آرگ المی بیت ۔
بلوچی آن لائن بلاگنگ دربرجاہ چَہ بام ھال ءِ نیمگ ءَ ھمے نیمون ءَ شنگ کنگ بوگ ءَ اِنت کہ بلوچی نوشتہ کار ، لچہ کار ءُ زند ءِ دگہ تک ءُ پھنات ءَ گوں سیادی داروکاں کہ وتی جند ءِ شاتیں زبان ءِ تہ ءَ آن لائن بلاگ یا رودپتر نویسگ لوٹ اَنت سوج بہ رس اِیت ۔
بلوچی بلاگنگ دربرجاہ ءِ تہ ءَ بلوچی بلاگنگ گچینی بلاگ اسپاٹ / بلاگر ءِ تہ ءَ کار کنگ سوج دیگ بیت ابید چَہ ایشی ءَ بلوچی زبان ءَ جوڑ بوتگیں ٹیمپلٹ ءُ پلگ اِنز ھم جوڑ کنگ بنت داں پہ ھما کساں آسانی بہ بیت کہ وتی بلاگ ءَ بلوچی لے آوٹ دیگ لوٹ اَنت ءُ چَہ وب ڈیزائنگ ءَ نا بلد بوگ ءِ سبب ءَ اے کار ءَ کرت نہ کن اَنت ۔
بام ھال ءِ ٹیوٹر نویسوک ءُ وب ڈیزائنر ءَ گوں دزبندی کنگ بوتگ کہ آ وتی تجربتانی بنچک ءَ بلوچی زبان ءِبلاگراں کمک بہ کن اَنت ءُ اے دزبندی گوں دگہ بلوچی زبان ءُ زانشتی دوزواھاں ھم ھست کہ آ ھم پہ اے کار ءِ دیم ءَ برگ ءَ بلوچی بلاگنگ دربرجاہ ءِ اُستاد جوڑ بہ بنت ۔
بلوچی آن لائن بلاگنگ دربرجاہ چَہ بام ھال ءِ نیمگ ءَ ھمے نیمون ءَ شنگ کنگ بوگ ءَ اِنت کہ بلوچی نوشتہ کار ، لچہ کار ءُ زند ءِ دگہ تک ءُ پھنات ءَ گوں سیادی داروکاں کہ وتی جند ءِ شاتیں زبان ءِ تہ ءَ آن لائن بلاگ یا رودپتر نویسگ لوٹ اَنت سوج بہ رس اِیت ۔
بلوچی بلاگنگ دربرجاہ ءِ تہ ءَ بلوچی بلاگنگ گچینی بلاگ اسپاٹ / بلاگر ءِ تہ ءَ کار کنگ سوج دیگ بیت ابید چَہ ایشی ءَ بلوچی زبان ءَ جوڑ بوتگیں ٹیمپلٹ ءُ پلگ اِنز ھم جوڑ کنگ بنت داں پہ ھما کساں آسانی بہ بیت کہ وتی بلاگ ءَ بلوچی لے آوٹ دیگ لوٹ اَنت ءُ چَہ وب ڈیزائنگ ءَ نا بلد بوگ ءِ سبب ءَ اے کار ءَ کرت نہ کن اَنت ۔
بام ھال ءِ ٹیوٹر نویسوک ءُ وب ڈیزائنر ءَ گوں دزبندی کنگ بوتگ کہ آ وتی تجربتانی بنچک ءَ بلوچی زبان ءِبلاگراں کمک بہ کن اَنت ءُ اے دزبندی گوں دگہ بلوچی زبان ءُ زانشتی دوزواھاں ھم ھست کہ آ ھم پہ اے کار ءِ دیم ءَ برگ ءَ بلوچی بلاگنگ دربرجاہ ءِ اُستاد جوڑ بہ بنت ۔
